ಕೋಶ ಓದು : ಜಾಗೋ ಭಾರತ್

- ರವಿಶಂಕರ್ ಶಾಸ್ತ್ರಿ

ಲೇಖಕರು: ಚಕ್ರವರ್ತಿ ಸೂಲಿಬೆಲೆ

ಲೇಖಕರು ತಮ್ಮ ಪ್ರಖರ ಮಾತಿನಿಂದ ಪ್ರಸಿದ್ಧರು. ದೇಶದ ಬಗ್ಗೆ ಪ್ರೀತಿ, ಅಭಿಮಾನ ಮೂಡಿಸುವ ಕೆಲಸದಲ್ಲಿ ಸದಾ ತಲ್ಲೀನರು. ದೇಶ ಕಂಡ ವಿವಿಧ ಕ್ರಾಂತಿಕಾರಿ, ದೇಶಭಕ್ತರನ್ನು ನಮಗೆ ಪರಿಚಯಿಸುವ ಕಾರ್ಯದಲ್ಲಿ ಸಿದ್ಧಹಸ್ತರು. ಇತಿಹಾಸದಲ್ಲಿ ಸರಿಯಾಗಿ ದಾಖಲಾಗದ, ನಾವು ಮರೆತು ಹೋದ ಹಲವು ಜನರನ್ನು ಮತ್ತೆ ನಮಗೆ ಪರಿಚಯಿಸುವ ಅವರ ಕಾರ್ಯ ಸ್ಮರಣೀಯ.

ಇಲ್ಲಿರುವ ಹೆಚ್ಚಿನ ಲೇಖನಗಳು ದಿನಪತ್ರಿಕೆಗಳಲ್ಲಿ ಈಗಾಗಲೇ ಪ್ರಕಟವಾಗಿವೆ. ಅವುಗಳನ್ನೆಲ್ಲ ಒಟ್ಟು ಸೇರಿಸಿ ಪುಸ್ತಕ ರೂಪದಲ್ಲಿ ಕೊಡಲಾಗಿದೆ. ನಮ್ಮನ್ನಾಳುವ ಜನರ ಇಬ್ಬಗೆಯ ನೀತಿಯನ್ನು ತಮ್ಮ ಹರಿತ ಮಾತುಗಳಿಂದ ಟೀಕಿಸಿದ್ದಾರೆ. ಜನರಿಗೆ ತಿಳಿಯಲೇ ಬೇಕಾಗಿದ್ದ ಹಲವು ವಿಷಯಗಳನ್ನು ವಿವರಿಸುತ್ತಾರೆ. ನಮ್ಮತನವನ್ನು ಮರೆತಂತಿರುವ ಜನರನ್ನು ಎಚ್ಚರಿಸುವ ಕೆಲಸಕ್ಕೆ, ಸಾಹಸಕ್ಕೆ ಕೈ ಹಾಕಿದ್ದಾರೆ.   

ಅವರ ಎಲ್ಲ ಬರಹಗಳ ಹಿಂದೆ ಅಗಾಧ ವಿಷಯ ಸಂಗ್ರಹಣೆ ಇರುತ್ತದೆ. ಎಲ್ಲಾ ಬರಹಗಳೂ ಸಂಗ್ರಹಣೀಯ. ಯಾವುದೇ ವಿಷಯದ ಬಗ್ಗೆ ಬರೆದರೂ, ಅದರ ಹಿಂದೆ ಸಮರ್ಪಕ ಆಧಾರ ಕಲೆಹಾಕಿರುತ್ತಾರೆ. ಅವರು ಆರಿಸಿಕೊಳ್ಳುವ ವಿಷಯಗಳು ಕೂಡ ಅಷ್ಟೇ ಕುತೂಹಲಕಾರಿಯಾಗಿರುತ್ತವೆ. ತಮ್ಮ ಮಾತಿನಿಂದ ಹೇಗೆ ರಾಷ್ಟ್ರೀಯತೆಯನ್ನು ಪ್ರಚಾರಪಡಿಸುತ್ತಾರೋ, ಅವರ ಲೇಖನಗಳು ಕೂಡ ಹಾಗೆಯೇ. ನಿದ್ದೆಯಲ್ಲಿರುವ, ತೂಕಡಿಸುತ್ತಿರುವ ಜನರನ್ನು ಬಡಿದೆಬ್ಬಿಸುವಂತೆ ಅವರ ಬರಹಗಳು.